.Second Shot ပရိုမိုးရှင်းကုဒ်နံပါတ်မပါဘဲဖြေဆိုနိုင်ပြီ

မိုက်က္ကရိုဆော့ဖ်၏ free Second shot retake အစီအစဉ်အား ပရိုမိုးရှင်းကုဒ်နံပါတ် တောင်းယူရန် မလိုဘဲ ဖြေဆိုနိုင်ပြီ ဖြစ်သည်။ Second shot အစီအစဉ်မှာ ဖြေဆိုခွင့်သီးသန့်ကုဒ်နံပါတ်အား e-mail ဖြင့် ဖြေဆိုသူထံသို့ တိုက်ရိုက် ပေးပို့လေ့ရှိကြောင်း သိရသည်။ “စာမေးပွဲဖြေဆိုတဲ့သူတွေ အချိန်ကုန်သက်သာစေဖို့အတွက် စင်တာကနေပြီးတော့ မိုက္ကရိုဆော့ဖ်မှ တိုက်ရိုက် Prepaid Voucher ကြိုတင်ဝယ်ယူထားပြီးဖြစ်ပါတယ်။ Prepaid voucher တိုင်းဟာ Free Second shot ဖြေဆိုခွင့်ရှိပြီးသားမို့ ဖြေဆိုသူတစ်ဦးချင်းစီရဲ့ သီးသန့်ပရိုမိုးရှင်းကုတ်ထည့်စရာမလိုတော့ပါဘူး။ မိုက္ကရိုဆော့ဖ်ရဲ့ e-mail ပြန်ဝင်လာတာကိုစောင့်စရာမလိုသလို ပရိုမိုးရှင်းကုဒ်ကို Print out လုပ်ပြီးယူလာစရာ မလိုတော့ပါဘူး” ဟု Myanmar Inspiration မှတာဝန်ရှိသူတစ်ဦးက ပြောသည်။

Source : 7 Day News Journal

.ဂျပန်နိုင်ငံ၏ အာရှလူငယ်ဖဲလိုးရှစ် ၂၀၀၉ လျှောက်ထားနိုင်

မြန်မာနိုင်ငံတွင် ၁၆ နှစ်ကြာပညာရေးသက်တမ်းရှိပြီး၊ အင်္ဂလိပ်စာကျွမ်းကျင်၍ သုတေသနလုပ်ငန်း များကို ကောင်းမွန်စွာလုပ်ကိုင်နိုင်သော မည်သူမဆို ဂျပန်နိုင်ငံမှ တစ်နှစ်လျှင် တစ်ကြိမ်ခေါ်ယူမည့် အာရှလူငယ် ဖဲလိုးရှစ် Asian Youth Fellowship (AYF) အား ၂၀၀၉ တွင်တက်ရောက်နိုင်ရန်အတွက် လျှောက်ထား နိုင်ကြောင်း ဂျပန်သံရုံး၏ သတင်းထုတ်ပြန်ချက်များ အရသိရသည်။

“ဒီစကောလားရှစ်အစီအစဉ်ကို ဂျပန်စာလေ့လာသူနဲ့ ဂျပန်ရေးရာလေ့လာသူတွေအနေနဲ့ လျှောက်ထားစရာမလိုပါဘူး။ အဓိကအင်္ဂလိပ်စာကို ကောင်းကောင်းရပြီး၊ သုတေသနလုပ်နိုင်သူ၊ ပြီးခဲ့တဲ့ ၁၆ နှစ်ပညာရေးမှာလည်း အဆင့်မြင့်မြင့်ပညာရေးမှတ်တမ်းရှိထားရမယ်။ ဂျပန်စာကို အခြေခံလောက်ပဲ နားလည်ထားရင်ရပြီ” ဟုဂျပန်သံရုံးမှ တာဝန်ရှိသူတစ်ဦးက ပြောသည်။ လျှောက်ထားမည့်သူများသည် ၂၀၁၀ ဧပြီပထမပတ်တွင် အသက် ၃၅ နှစ်မကျော်လွန်သူဖြစ်ရမည်။ ရွေးချယ်ခံရပါက စာရွက်စာတမ်းကြေး၊ နေထိုင်စားသောက်စရိတ်၊ အသက်အာမခံနှင့် လေယာဉ်လက်မှတ်ခများ အပါအ၀င် စကောလားရှစ် အပြည့်အ၀ရရှိမည်ဖြစ်ပြီး ပထမအဆင့်အနေဖြင့် ဂျပန်နိုင်ငံတွင် ၈ လကြာ ဂျပန်စာ သင်ကြားရမည်။ ဂျပန်ဘာသာစကားသင်ကြားပြီးမှသာ သက်ဆိုင်ရာ တက္ကသိုလ်တွင် ၂ နှစ်မှ ၃ နှစ်အထိ ဆက်လက်ပညာသင်ကြားရမည် ဖြစ်သည်။ လူသားဆိုင်ရာ သိဖွယ်ရာ ( Humanities) ၊ လူမှုသိပ္ပံ ( Social Science)၊ အင်ဂျင်နီယာပညာ (Engineering) နှင့် သဘာဝသိပ္ပံ (Natural Science) ဘာသာရပ်များအားရွေးချယ်နိုင်ပြီး www.asiaseed.org/ayf ၀က်ဘ်ဆိုက်တွင် ယခုလ ၁၃ ရက်မှလာမည့် နိုဝင်ဘာ ၃ ရက်အထိ လျှောက်ထားနိုင်ကာ အသေးစိတ်အချက်အလက်များသိရှိလိုပါက ရန်ကုန်မြို့ ဂျပန်သံရုံး၌ ဆက်သွယ်စုံစမ်း နိုင်သည်။

Source : 7 Day News Journal

.Washington Commercial & Language School လေယာဉ်လက်မှတ် အခမဲ့စီစဉ်ပေးမည်ဟုဆို

On-Job Training ကာလတွင် စင်ကာပူဒေါ်လာ ၅၀၀ မှစ၍ရနိုင်မည်ဟု ဆိုသော စင်ကာပူ နိုင်ငံရှိ Washington Commercial & Language School ၏လာမည့် စက်တင်ဘာလ တက်ရောက်နေသူများအတွက် လေယာဉ်လက်မှတ်အခမဲ့စီစဉ်ပေးမည်ဟု စင်ကာပူနိုင်ငံမှ ALG Education Center Pte.Ltd. ကိုကိုးကား၍ ရန်ကုန်အခြေစိုက် Future Way Education & Services ထံမှသိရသည်။

စာတွေ့ကိုးလနှင့် On-Job Training ခြောက်လကြာမြင့်မည့် ယင်းကျောင်း၏ IT, Business, Engineering နှင့် Tourism & Hospitality စသည့်ဘာသာရပ်များ၏ Postgraduate Diploma in Management Studies သင်တန်းများကို တက်ရောက်ရန် IELTS/TOFEL ရမှတ်များမလိုအပ်သည့်အပြင် Placement Test ပါဖြေဆိုရန် မလိုအပ်ဟု Future Way မှတာဝန်ရှိသူတစ်ဦးက ဆိုသည်။

နှစ်စဉ်ဝင်ခွင့်ခြောက်ကြိမ်တိုင် လက်ခံသော အဆိုပါကျောင်းနှင့် ပတ်သက်သည့် အသေးစိတ် အချက်အလက်များကို အမှတ်- ၉၊ အခန်း (၆/A)၊ ယောမင်းကြီးလမ်းသွယ်၊ သမ္မတ ရုပ်ရှင်ရုံအနီး၊ ရှိုင်းကွန်ဒိုမီနီယံ၊ ဒဂုံမြို့နယ်၊ တယ်လီဖုန်း ၂၄၁၀၉၉၊ ၀၀၉-၅၁၀၀၁၅၈ နှင့် ၄၄၁၁၂၄၉ တို့ထံတွင် ပိတ်ရက်မရှိစုံစမ်းနိုင်ကြောင်း၊ အထက်ပါကျောင်း၏ တရားဝင် Website တွင် ယင်းဘာသာရပ်များနှင့် ပတ်သက်သည့်အသေးစိတ် အချက်အလက် အပြည့်အစုံကို ဖော်ပြမထားသော်လည်း ယင်းကျောင်းသည် Case Trust နှင့် Singapore Quantity Class for Private Education Organization (SQCPEO) ရရှိထားသည်ဟု စင်ကာပူပညာရေးဆိုင်ရာ Website ၌ဖော်ပြထားသည်ကို တွေ့ရသည်။

Source : The Voice Journal